என் பேரனுக்கு 5 வயதாகிறது. எழுந்து நிற்கவோ, பேசவோ முடியாது. இன்னும்கூட தலை சரியாக நிற்கவில்லை. நிறைய மருத்துவர்களைப் பார்த்து விட்டோம். என்ன செய்வது என்றே தெரியவில்லை. ஏதேனும் பரிகாரம் சொல்லுங்கள்.

கவலைப்படாதீர்கள். மருத்துவத்தைக் கைவிடாது தொடர்ந்து பாருங்கள். அதற்கு முன் ஒருமுறை குமரகுருபர சுவாமிகளை பேசவைத்த திருச்செந்தூர் செந்தில் ஆண்டவரை தரிசித்து வாருங்கள்.

அத்தலத்தின் விபூதியை தினமும் நெற்றியில் இட்டு விடுங்கள். உங்கள் ஊரிலேயே உள்ள பழமையான கோயிலுக்கு தினமும் அழைத்துச் செல்லுங்கள். ஏனெனில் தினமும் அந்த இறைவனின் சாந்நித்தியத்தை அந்த குழந்தையின் உடல் ஏற்றுக் கொண்டே இருக்க வேண்டும்.

சில முன்ஜென்ம வினைகள் அதனால் கரையும். அடுத்ததாக, எத்தனை பேருக்கு முடியுமோ அத்தனை பேருக்கு அன்னதானம் செய்யுங்கள்.

அல்லது, அனைத்து தெய்வங்களும் பசுவின் உடம்பில் வசிப்பதாக நாம் நம்புவதால், தினமும் ஒரு பசுவுக்கு உணவு கொடுப்பதை வழக்கமாக்கிக் கொள்ளுங்கள்.

இந்த புண்ணியத்தின் பலனால் உங்கள் குழந்தை நிச்சயம் ஓடியாடி விளையாடி, நன்கு பேசவும் தொடங்கி விடுவான்.