எனது பேரன் பழனிராஜனுக்கு 30 வயதாகிறது. தற்போது மும்பையில் வேலை பார்த்து வருகிறான். திருமணம் தாமதமாகிக் கொண்டே வருகிறது. என்ன பரிகாரம் செய்ய வேண்டுமென்று சொல்லுங்கள்?

திருமணம் தேவர்கள் உலகத்தில் நிச்சயிக்கப்படுகிறது என வேதம் கூறுகிறது. உங்கள் பேரனின் ஜாதகத்தில் களத்திரகாரகனான சுக்கிரன் நீசமடைந்து விட்டிருக்கிறான். அதனால்தான் தாமதமாகிறது.

பெண் ஜாதகத்தில் சுக்கிரன் பலமாக இருக்கும்படி பார்த்து சேர்க்க வேண்டும். தற்சமயம் குரு பலம் நன்றாக உள்ளது. மும்பைக்கு அருகிலுள்ள ஷீரடி சாய்பாபாவின் ஜீவ சமாதியை தரிசித்து வரச் சொல்லுங்கள்.

குருவின் சந்நதி வைர வியாபாரம் போல இருக்கும். கொடுத்தால் வைரமாகத்தான் கொடுப்பார். அவரது வியாபாரத்தில் பதர், உமி போன்றவை இருக்காது. குருவினால் கொடுக்கப்படும் விஷயத்தில் கஷ்டத்தைப் பார்க்க முடியாது.

வியாழக்கிழமையன்று வேதமோதும் ஆன்றோர்களுக்கு வெள்ளைக் கடலையை தானமாகக் கொடுக்கச் சொல்லுங்கள். இதுவே போதும்.