என் மகனுக்கு 28 வயதாகிறது. கடன் சுமையால் தொழிலையே நிறுத்த வேண்டிய நிலை ஏற்பட்டுள்ளது. திருமணமும் தள்ளிப் போய்க் கொண்டிருக்கிறது. ஏதேனும் பரிகாரம் கூறி உதவ வேண்டும்.

எதையெல்லாம் செய்யக் கூடாது என்கிற தெளிவை தோல்விகள் கொடுக்கும். இதுவும் ஓர் அனுபவம்தான் என்று பழகிக் கொள்ளத்தான் வேண்டும். ஒவ்வொரு முறை தோல்வி வரும் போதும் மனம் எப்படியெல்லாம் பயக் கற்பனைகளை வளர்க்கிறது.

அவை இன்னும் எப்படி நம்மை பாதிக்கிறது என்பதை கவனியுங்கள். தொழிலில் ஈடுபடுவோர் பணத்தை விட பன்மடங்கு அதிகமாக மன உறுதியைத்தான் பெற்றிருக்க வேண்டும்.

பௌர்ணமிக்கு 2வது நாளில் கீழ்க்கண்ட கோளறு பதிகத்தை படித்துவிட்டு இரவில் சந்திரனை
தரிசியுங்கள்.

உருவளர் பவளமேனி ஒளி நீறணிந்து
உமையொடும் வெள்ளை விடை மேல்
முருகலர் கொன்றை திங்கள் முடிமேலணிந்தென்
உளமே புகுந்த அதனால்
திருமகள் கலையதூர்தி செயமாது பூமி
திசை தெய்வமான பலவும்
அருநெறி நல்ல நல்ல அவை நல்ல நல்ல
அடியாரவர்க்கு மிகவே!