என் மகனுக்கு 5 வயதாகியும் பேச்சு சரியாக வரவில்லை. ஆனால் சுறுசுறுப்பாக இருக்கிறான். மருத்துவரிடமும் காண்பித்து விட்டோம். தீர்வு ஒன்றும் ஏற்படவில்லை. என் மகன் எல்லா பிள்ளைகளைப் போல பேசவும், பள்ளிக்குச் சென்று வரவும் பரிகாரம் சொல்லுங்கள்.

உங்கள் வீட்டில் முன்னோர்களுக்கு செய்ய வேண்டிய திவசம் போன்றவற்றைச் சரியாக செய்து வருகிறீர்களா என்று தெரியவில்லை. அப்படி ஏதேனும் விட்டு விட்டீர்களானால், அதை உடனே நிறைவேற்றி விடுங்கள்.

ஒருமுறை திருச்செந்தூர் கோயிலுக்குச் சென்று வாருங்கள். அருகிலுள்ள சிவாலயத்திற்கு முடிந்தபோதெல்லாம் அபிஷேகத்திற்குத் தேன் வாங்கிக் கொடுங்கள். குழந்தை இனிமையாகப் பேசுவான்.

உங்கள் ஊருக்கு அருகேயுள்ள புன்னைநல்லூர் மாரியம்மனுக்கு குழந்தையை பசும்பால் காவடியை ஞாயிறு அன்று எடுக்கச் செய்து, கோயிலை 9 தடவை வலம்வந்து பால் அபிஷேகத்துடன் சிறப்பு பூஜை நடத்துங்கள்.

கோயிலுக்கு வரும் சுமங்கலிப் பெண்களுக்கு சிவப்பு நிறத்தில் ரவிக்கை துணி, மஞ்சள், குங்குமத்தோடு வைத்துத் தாருங்கள். குழந்தை நன்றாகப் பேசுவான்.