எங்களுக்குத் திருமணமாகி 4 ஆண்டுகளாகிறது. மழலை பாக்கியம் கிட்டவில்லை. எங்களுக்கு வாரிசு கிடைக்க என்ன பரிகாரம் செய்ய வேண்டும்?

தங்களையே உலகிற்கு இன்னொரு உருவாகக் கொடுப்பதுதான் பிள்ளைபேறு. இதை ‘ப்ரஜாமனு ப்ரஜாயஸே’ என்கிறது வேதம். கிராமங்களில், ‘தவமிருந்து பெத்த புள்ள’ என்று சொல்வார்கள்.

அதுபோல நீங்கள் இருவரும் தவமிருக்கிறீர்கள். அவ்வளவுதான். காலம் தாழ்த்தினாலும் சத் சந்தானம் என்று சொல்லப்படும் நல்ல வாரிசு உங்களுக்குப் பிறக்கும்.

பிரதோஷ தினத்தன்று மறக்காது சிவாலயம் சென்று வணங்கி வாருங்கள். சிவனும், அம்பிகையும் சேர்ந்திருக்கும் படத்திற்கு பூவைத்து, கீழ்க்காணும் ஸ்லோகத்தை தினமும் 108 முறை சொல்லுங்கள்.

சசி சிவ! சிவ சசி! சசி ஹர! ஹர சசி!
சசிபாலன! சசிமாதவ! சசிதாரண பாஹிமாம்!
சசிமோதன! சசிசூடக! சந்திரோத்ய ரட்சமாம்