எங்களுக்கு திருமணமாகி 3 வருடங்கள் கடந்து விட்டன. வீட்டில் விளையாட மழலை செல்வத்தை இறைவன் அளிக்கவில்லை. பரிகாரம் சொல்லுங்களேன்.

மக்கள் கூட்டம் இல்லாத இடத்தில் உள்ள அரச மரத்தை அதிகாலை 5 மணியிலிருந்து 6.30க்குள் உங்கள் கணவனுடன் சென்று நீர்வார்த்து சந்தனம், குங்குமம், புஷ்பம் என்று அலங்கரித்து 8 இனிப்பு எள் உருண்டைகளை படைத்து அதை அவ்விடத்திலேயே வைத்து விடுங்கள்.

பின்பு கீழே உள்ள ஸ்லோகத்தை 8 தடவை படித்து, நமஸ்காரம் செய்யுங்கள். தவழ்ந்தபடி இருக்கும் கிருஷ்ணன் பொம்மை வாங்கி சின்னக் குழந்தைகளுக்கு விளையாடக் கொடுங்கள்.

தாயை இழந்து வாடும் குழந்தைகளுக்கு பால் வாங்கித் தந்தோ அல்லது ஏதேனும் ஒருவிதத்தில் உதவுங்கள்.

வ்ருட்சராஜ நமஸ்துப்யம்
வம்ச வ்ருத்திகர ப்ரபோ!
தேஹிமே தனயம் புத்ரம்
மேதாவந்தம் யசஸ்வனம்!