என் வயது 31. மூன்று வருடங்களாக என் திருமணம் தடைபட்டு வருகின்றது. இதற்கு, என் வீட்டுத் தோட்டத்தில் உள்ள சிறிய அரச மரம்தான் காரணம் என்கிறார்கள். நான் என்ன செய்ய வேண்டும்?நாம் வசிக்கும் கட்டடத்துக்கு வெளியே, தோட்டத்தில் அரச மரம் இருப்பது தோஷமாகாது. அது கட்ட

நாம் வசிக்கும் கட்டடத்துக்கு வெளியே, தோட்டத்தில் அரச மரம் இருப்பது தோஷமாகாது. அது கட்டடத்திற்கு அருகில் இருந்தால், கட்டடத்திற்குத்தான் ஆபத்து வரும்.

மனிதர்களுக்கு அல்ல! அரசையும், வேம்பையும் கல்யாண விருட்சம் என்பார்கள். ஆகவே, கல்யாணத் தடைக்கு அவை காரணமல்ல. உங்கள் ஜாதகம் பார்த்தேன்... மே மாதம் 5ம் தேதிக்குப் பிறகு உங்களுக்கு திருமண யோகம் கூடிவரும்.

தேனி வேதபுரி ஆஸ்ரமம் என்ற தலத்திற்குச் செல்லுங்கள். பிரக்ஞாத தட்சிணாமூர்த்திக்கு அர்ச்சனை செய்யுங்கள். உங்களின் பொருளாதார சக்தியைப் பொறுத்து காயத்ரி ஹோமம் செய்யுங்கள்.

குருவும், அக்னி தேவனும் விரைவில் உங்களுக்கு இல்லாளை வரவழைத்துக் கொடுப்பர்.