நல்ல நிறுவனத்தில், நல்ல பதவியில் உள்ள என்னை 3 வருடங்களுக்கு மேலாகியும் பணி நிரந்தரம் செய்யாது தாமதப்படுத்துகிறார்கள். நான் என்ன செய்ய வேண்டும்?

சாதுர்யமான குணமுடையவர் நீங்கள். 6ல் கேது வந்துள்ளதால் மேலதிகாரிகளுக்கு நெருக்கமாவீர்கள். பதவி உயர்வோடு பணி நிரந்தரமாகும். எறும்பு ஊர கல் தேயும் என்பார்கள்.

பணியை இன்னும் சிறப்பாகச் செய்யுங்கள். மற்றவை தானாக வரும். நவம்பர் மாத தொடக்கத்தில் நீங்கள் எண்ணியது நிறைவேறும். சாலைப் பணியாளர்கள் அல்லது மூட்டை தூக்குபவர்கள் 7 பேருக்கு சனிக்கிழமையன்று துணி வாங்கிக் கொடுங்கள்.

சாஸ்தா படத்தை அலங்கரித்து கீழ்க்காணும் ஸ்லோகத்தை தினசரி 18 முறை படியுங்கள்.

ஆச்யாம கோமள விசால
தனும் விசித்ர
வாஸோ வஸானம்
அருணோத் பலதாம ஹஸ்தம்
உத்துங்க ரத்ன மகுடம்
குடிலாக்ர கேசம்
சாஸ்தாரம் இஷ்டவரதம் சரணம் ப்ரபத்யே!