என் வயது 71. கயிறு வியாபாரம் செய்து வருகிறேன். எல்லோரும் இருந்தும் எந்த விதத்திலும் அவர்களிடமிருந்து உதவி எதுவும் பெற முடியவில்லை. வருமானம் போதாமல் வாழ்கிறேன். நான் என்ன பரிகாரம் செய்ய வேண்டும்?

சிவாலயத்திற்கு சென்று கம்பீர புருஷனான ஈசனின் எதிரில் கீழ்க்கண்ட வேண்டுதல்களை மனதில் வீர உணர்வு பொங்கும்படியாக நினைத்துச் சொல்லுங்கள்.

வியாபாரம் செழித்து, செல்வம் நிறைந்து மனத் தெளிவுடன் வாழ்வீர்கள். ‘விண்ணுலகும் மண்ணுலகும் அஞ்சி நடுங்கும்படியாக ஆலகால விஷத்தை அமுதம்போல அருந்திய கருணைக்கடலே!

நிலை தடுமாறி கலங்கி நிற்கும் எனக்கு அருள் செய்ய வேண்டும். நான் என்றும் உனக்கு அடிமை. ஐம்புலன்களும் என்னைக் கட்டி இழுப்பதால் செய்வதறியாது நிற்கின்றேன்.

பொய்யான வாழ்க்கைக்கு முடிவு தந்து காத்தருள வேண்டும்’.இதை உளமாறப் படித்துவிட்டு, ‘ஸ்ரீவைத்யனாதாய நமசிவாய’ என்று 108 தடவை சொல்லுங்கள்.