மகள் தியாவுக்காக பைக் ஓட்டும் சூர்யா

சொகுசு கார்களில் வலம் வரும் சூர்யா சமீபத்தில் புதிதாக பைக் ஒன்றை விலைக்கு வாங்கினார். சூட்டிங் இல்லாத போது அந்த பைக்கில் சென்னையை வலம் வருகிறார். பைக்கை மகள் தியாவுக்காக வாங்கினேன் என்றார்.

இதுகுறித்து சூர்யா கூறியதாவது:

எனது மகள் தியாவுக்கு பைக்கில் சவாரி செய்வதில் அலாதி பிரியம். அவருக்காக நான் பைக் வாங்கினேன். சூட்டிங் இல்லாத நாட்களில் தியாவை பைக்கில் வைத்து நான் தான் பள்ளிக்கு அழைத்து செல்கிறேன். அது ரொம்ப மகிழ்ச்சியான அனுபவமாக இருக்கிறது.

காரில் எனது மகளை அழைத்து போய் பள்ளியில் விடும் போதும் திரும்ப அழைத்துக் கொண்டு வரும் போதும் என்னை யார் என்று அடையாளம் காண இயலாது தெரிந்தவர்களும் வித்தியாசமாய் பார்க்க மாட்டார்கள்.

ஆனால் பைக்கில் செல்லும் போது வித்தியாசமாக பார்ப்பார்கள். எனவே நான் பைக் ஓட்டும் போது ஹெல்மெட் அணிந்து கொண்டு செல்கிறேன். அது பாதுகாப்புக்கு மட்டுமல்ல என்னை பார்த்து கூட்டம் கூடுவதை தவிர்க்கவும் உதவுகிறது. இவ்வாறு சூர்யா கூறினார்.