ரஜினி மகள் ஐஸ்வர்யா டைரக்டர் ஆகிறார்: தனுஷ்,கமல் மகள் ஸ்ருதியை ஜோடியாக்கி புதிய படம்

ரஜினி மகளும் நடிகர் தனுசின் மனைவியுமான ஐஸ்வர்யா டைரக்டராகிறார். இதற்கான பணிகள் முழு வீச்சில் நடக்கின்றன. ஐஸ்வர்யா ஏற்கனவே “ஆயிரத்தில் ஒருவன்” படத்தில் செல்வராகவனிடம் உதவி இயக்குனராக பணியாற்றினார்.

புதுப்படம் இயக்குவதற்காக கதை தேடி வந்தார். தற்போது அழகான காதல் கதையொன்று கிடைத்துள்ளது. அதனை தானே இயக்குகிறார். இப்படத்தில் தனுஷ், கமல் மகள் ஸ்ருதியை ஜோடியாக்கி நடிக்க வைக்கவும் திட்டமிட்டுள்ளார்.

கணவர் கதாநாயகனாக நடிக்கும் படத்தை டைரக்டு செய்வதால் பரபரப்பான எதிர்பார்ப்பு நிலவுகிறது. தொழில்நுட்ப கலைஞர்கள் இதர நடிகர், நடிகைகள் தேர்வு ரகசியமாக நடக்கிறது.

தனுசின் சொந்த நிறுவனமே இப்படத்தை தயாரிக்கிறது. இதற்கான அதிகாரப்பூர்வ அறிவிப்பு விரைவில் வெளியாக உள்ளது. ரஜினி குணமாகி சென்னை திரும்பியதும் தனுஷ் கைவசம் உள்ள படங்களை முடித்ததும் படப்பிடிப்பு துவங்குகிறது.