எனக்குத் திருமணமாகி பல வருடங்களாகியும் இன்னும் குழந்தை பாக்கியம் கிட்டவில்லை. நல்ல வேலையும் அமையவில்லை. வேதனைகள் விலகி நல்வாழ்வு கிட்ட நான் என்ன செய்ய வேண்டும்?

கவலைப்படாதீர்கள். உங்கள் ஜாதகம் பார்த்தேன். குரு 9ம் இடத்திற்கு வர உள்ளார். புத்திரகாரகனான அவர் உங்களுக்குக் குழந்தையை அருள்வார். சனி 7ல் இருப்பதால் சகிப்புத்தன்மை தேவைப்படும் நேரம் இது.

சிவன், பார்வதி, முருகன் உள்ள படத்தை நன்கு அலங்கரித்து வைத்துக் கொள்ளுங்கள். கீழே கொடுக்கப்பட்டுள்ள அபிராமி அந்தாதி பாடலை 45 நாட்கள் தொடர்ந்து சொல்லி வாருங்கள். எல்லாம் சரியாகும்.

ககனமும் வானும் புவனமும் காண
விற்காமன் அங்கம்
தகனம் முன்செய்த தவப் பெருமாற்குத்
தடக்கையும் செம்
முகனும் முந்நான்கு இருமூன்று
எனத் தோன்றிய மூதறிவின்
மகனும் உண்டாயது அன்றோ?
வல்லி நீ செய்த வல்லபமே!