பெப்சி வேலை நிறுத்தம் முடிந்தது

புதிதாக சினிமா தொழிலாளர் சங்கத்தை உருவாக்க தயாரிப்பாளர்கள் முயற்சிக்கிறார்கள் என்று கூறி பெப்சி சங்கம் நடத்திய காலவரையற்ற வேலை நிறுத்தம் செவ்வாய்க்கிழமையுடன் முடிவுக்கு வந்தது.

பெப்சி சங்க நிர்வாகிகளுடன், தமிழ்நாடு தொழிலாளர் துறை அமைச்சர் செல்லப்பாண்டியன் மற்றும் தயாரிப்பாளர் சங்க நிர்வாகிகள் நேற்று சென்னையில் பேச்சுவார்த்தை நடத்தினர்.

பேச்சுவார்த்தையில் இருதரப்பினரும் சுமூகமாக பிரச்சினைகளை தீர்த்துக் கொள்ள முன்வந்ததை அடுத்து வேலை நிறுத்தம் முடிவுக்கு வருவதாகவும், உடனடியாக படப்பிடிப்பு துவங்கலாம் என்றும் அறிவிக்கப்பட்டது.

இன்று வழக்கம் போல அனைத்து சினிமா படப்பிடிப்புகளும் துவங்கி நடைபெற்றன.