எனக்கு 54 வயதாகிறது. 1998 வரை அலுவலகத்தில் நல்ல முறையில் வேலை செய்தேன். பின்னர் வேலை சரியில்லாததால் விலகிவிட்டேன். வேறு தொழில் செய்யலாமா? சொந்த வீடு கிடைக்குமா? செய்வினை செய்துள்ளார்கள் என சொல்கின்றனர்... எனக்கு வழிகாட்டுங்கள்.

கடமையே கண்ணாக செயல்பட்டு மற்றவர்களை எளிதாகக் கவர்ந்து விடும் ரிஷப ராசியில் பிறந்திருக்கிறீர்கள். உங்களின் ஆட்சி கிரகம் சுக்கிரன்.

அதனால் டெக்ஸ்டைல்ஸ், வெள்ளிப் பொருள் விற்பனை, பேன்ஸி பொருட்கள் தயாரிப்பு நிறுவனங்கள் போன்ற இடங்களில் வேலை கிடைத்தால் சேர்ந்து கொள்ளுங்கள்.

உடனடியாக முன்னேறுவீர்கள். சொந்த வீடு யோகம் உண்டு. தற்சமயம் ராகு, கேதுக்களுக்கான உக்கிரமான அம்மனை வழிபாடு செய்ய வேண்டும். திருச்சூர் அருகாமையில் புதுக்கோடு கிராமத்தில் அன்னபூர்ணா பகவதி ஆலயம் இருக்கிறது.

அங்குபோய் பகவதிக்கு நெய்விளக்கு ஏற்றி வைத்து சிறப்பு வழிபாடு நடத்துங்கள். 108 மஞ்சள் கிழங்குகளை வாங்கி, ஆடி வெள்ளியில் பெருமாள் ஆலய தாயார் சந்நதியில் சாற்றச்சொல்லி அர்ச்சகரிடம் கொடுங்கள். சிறந்து வாழ்வீர்கள்.