பெப்சி தொழிலாளர்கள் இன்று முதல் வேலை நிறுத்தம்

சென்னை, ஏப். 7 : திரைப்பட தொழிலாளர்கள் சங்கமான பெப்சி, புதிய தொழிலாளர் சங்கம் துவங்கப் போவதாக தயாரிப்பாளர் சங்கத்தினர் அறிவித்திருப்பதற்கு எதிர்ப்புத் தெரிவித்து இன்று முதல் வேலை நிறுத்தப் போராட்டத்தில் இறங்கியுள்ளது. இதையடுத்து படப்பிடிப்புகளில் உள்ள தொழிலாளர்கள் படப்பிடிப்புகளை நிறுத்தி விட்டு சென்னை திரும்புமாறு உத்தரவிடப்பட்டுள்ளது.

இந்த நிலையில், கார்த்தி நடிக்கும் அலெக்ஸ் பாண்டியன் படப்பிடிப்பும், கருணாஸ் தயாரித்து நடிக்கும் ரகளபுரம் படப்பிடிப்பும் திட்டமிட்டபடி நடக்கும் என்றும், அதற்கு காவல்துறை பாதுகாப்பு கோரியும் தயாரிப்பு நிறுவனங்கள் கேட்டிருந்தன. அதன்படி இன்று பல்வேறு இடங்களில் நடைபெற்ற படப்பிடிப்புகள் பலத்த காவல்துறை பாதுகாப்புடன் நடைபெற்றன.