எனக்கு வயது 70. எல்லா கடமைகளையும் முடித்துவிட்டு என் மனைவியுடன் வாழ்ந்து கொண்டிருக்கிறேன். வயது காரணமாக உடல்நிலை படுத்துகிறது. இந்த வயதான காலத்தில் வெளியே செல்ல பயம்; ஏதேனும் ஆகிவிடுமோ எ ன்கிற கவலைதான். எங்கும் செல்லாமல் செய்யக்கூடிய எளிய பரிகாரங்களைக்

எந்தக் கடமையும் இல்லை என்று சொல்லாமல், சமூகத்திற்காக உங்கள் நேரத்தை செலவழிக்கலாமே. எப்போதும் சிவநாமமோ, ராமநாமமோ உங்களுக்கு இறைவனின் திருப்பெயர்களில் எது பிடிக்குமோ அதை ஜபித்துக் கொண்டிரு ங்கள். தேர்வுக்குச் செல்லும் முகம் தெரியாத பிள்ளைகளுக்காக பிரார்த்தனை செய்யலாம். அதற்கும் மேலாக இந்த கலியுகத்தின் விமோசனமான நாம சங்கீர்த்தன மார்க்கத்தை கைக்கொள்ளுங்கள். கீழே கிடக்கும் பேப்பரை எ டுக்கும்போதுகூட, ‘ராமா...’ என்று சொல்லியபடி எடுங்கள். உணவு உண்ணும்போது, ‘கிருஷ்ணார்ப்பணம்’ என்று சொல்லி உட்கொள்ளுங்கள். உலகம் நன்றாக இருக்க வேண்டுமென்று உளமாற பிரார்த்தனை செய்யுங்கள். வெளியே எங்கும் போகாமல் ஆத்மார்த்தமாக நீங்கள் செய்யும் சமூக சேவை இது. இதைச் செய்வதாக யாரிடமும் சொல்லிக் கொண்டிருக்க வேண்டாம். முதலில் இரண்டு நாட்களுக்கு மனது இதெல்லாம் எதற்கு என்று கேட்டுக் கொண்டி ருக்கும். ஒரு வாரம் கழித்து பழகி விடும். இதைத் தவிர வேறு நல்ல விஷயங்களுக்காகவும் உதவலாம். நோய்களின் வேதனை மனதையும் உடலையும் வருத்தாது. வீட்டிலேயே ரிஷபத்தின் (காளை) மேல் அமர்ந்த சிவன் படம் வைத்து, கீழ்க்காணும் மந்திரத்தை சொல்லி தினசரி வில்வத்தால் பூஜை செய்யுங்கள்.

அனாயாஸேன ஸாயுஜ்யம்
வினாதைன்யேன ஜீவனம்
தேஹிமே க்ருபயா சம்போ! த்வயி பக்திம் அசஞ்சலாம்.