சிறுவயதில் என் தாயை இழந்தேன். திருமணமாகி 15 வருடம் கழித்து இப்போது என் கணவரும் இறந்து விட்டார். எனக்கு 13 வயதில் மகள் இருக்கிறாள். அவளின் வாழ்க்கையும் என் போன்று ஆகிவிடுமோ என்று பயமாக இருக்கிறது. தற்கொலை எண்ணம் வேறு அடிக்கடி வருகிறது. நானும் என் மகளும் நல

ஆதாரக் கடவுளான விநாயகரின் திருப்பாதங்களை மானசீகமாகப் பிடித்துக் கொள்ளுங்கள். அறுகம்புல் சிரஞ்சீவி தன்மை வாய்ந்தது. வெயிலில் சருகுபோலக் காய்ந்து விடும். இருக்கும் இடமே தெரியாது. ஆனால், அதுவே மழை நாளில் பச்சைப் பசேலென்று வளர்ந்து விடும்.

அப்படிப்பட்ட மகத்துவம் வாய்ந்த அறுகம்புல்லை வினை தீர்க்கும் விநாயகருக்கு தினமும் சாற்றி வணங்குங்கள். உங்கள் மகளையும் வணங்கச் சொல்லுங்கள். எப்படிப்பட்ட கஷ்டங்களிலிருந்தும் அவர் உங்களை மீட்டு கொண்டு வந்து விடுவார்.

இறைவன் கொடுத்த உயிரை துறக்க நமக்கு எந்த அதிகாரமும் இல்லை. ராமாயண சுந்தரகாண்டத்தில் அனுமனிடம் கணையாழியைப் பெற்றுக் கொண்ட அன்னை சீதை, ‘நல்ல எண்ணத்துடன் வாழ்பவர்களுக்கு நீண்ட காலத்துக்கு கஷ்டம் தந்தாலும் பின்னால் நிச்சயம் கடவுள் ரட்சிப்பார்’ என்றாள்.

அம்பாளின் படத்திற்கு முன்பு நல்லெண்ணெய் விளக்கேற்றி வைத்து, கீழ்க்காணும் அபிராமி அந்தாதி பாடலை 21 முறை சொல்லுங்கள்.

அன்றே தடுத்து என்னை ஆண்டுகொண்டாய் கொண்டது அல்ல என்கை
நன்றே உனக்கு? இனி நான் என் செயினும் நடுக்கடலுள்
சென்றே விழினும் கரையேற்றுகை நின் திருவுளமோ!
ஒன்றே, பல உருவே, அருவே, என் உமையவளே!