என் வயது 30. நல்ல கணவர், குழந்தைகள் என்று வாழ்க்கை நன்றாகச் செல்கிறது. ஆனால், தற்சமயம் உடல்நிலை சரியில்லை. அதுவும் வயிற்றுவலியால் மிகவும் அவதிப்படுகிறேன். என்ன செய்ய வேண்டும், எந்தக் கோயிலுக்கு செல்ல வேண்டும் என்று சொல்லுங்கள்.

பெண்கள் வயிற்றுப் பகுதியை மிகுந்த கவனத்தோடு பாதுகாக்க வேண்டும். கடலூர் மாவட்டம் பண்ருட்டியிலிருந்து 5 கி.மீ. தொலைவிலுள்ள திருவதிகை எனும் தலத்தில் அருள்பாலிக்கும் வீரட்டானேஸ்வரரை ஒரு முறை தரிசித்துவிட்டு வாருங்கள். திருநாவுக்கரசரின் வயிற்றுவலியை நீங்கச் செய்து ஞானமளித்த பெருமான் இவர்தான்.

செவ்வாய்க்கிழமையன்று அருகிலுள்ள முருகன் கோயிலுக்குச் சென்று, ஒரு கலசத்தில் கரும்புச்சாறு நிரப்பி, வேப்பிலை தேங்காய் வைத்து தலையில் சுமந்தபடி 18 முறை சந்நதியை வலம் வாருங்கள். அர்ச்சகரிடம் அதைக் கொடுத்து முருகனுக்கு அபிஷேகம் செய்யச் சொல்லுங்கள். வயிற்றுவலி நிச்சயம் தீரும். கீழ்க்கண்ட துதியை வீட்டிலோ அல்லது முருகன் சந்நதியிலோ அமர்ந்து தினமும் 108 முறை படியுங்கள்:

கார்த்திகேய! கார்த்திகேய!
கார்த்திகேய பாஹிமாம்
உதர பாதாம் ரோகஹர்த
ஹரசீக்ரம் தயாநிதே!