நானும், என் கணவரும் இரண்டு வருடங்கள்கூட சேர்ந்து வாழ இயலாத சூழ்நிலையில் இருக்கிறோம். நாங்கள் சேர்ந்து வாழ என்ன செய்ய வேண்டும்? எங்களுக்கு 20 வயதில் ஒரு மகளும், 13 வயதில் ஒரு மகனும் உள்ளனர்.

நிச்சயம் உங்களைப் பிரிந்து உங்கள் கணவர் இருக்க மாட்டார். பிரச்னைகள் வரும்போது கடுஞ்சொற்களை பேசிக் கொள்ளாதீர்கள். ‘‘அப்படியொரு வார்த்தையை அவர் சொல்லலாமா, அவங்க சொல்லலாமா?’’ என்று சொன்னதையே சொல்லிச் சொல்லி பிரச்னையை அதிகமாக்கிக் கொள்வீர்கள்.

பழனி முருகனுக்கு 108 ரூபாயை காணிக்கையாக எடுத்து வையுங்கள். பன்னீர் காவடியில், குங்குமப் பூவுடன் இந்தப் பணத்தையும் சிவப்புத் துணியில் கட்டி காவடி தயாரித்துக் கொள்ளுங்கள்.

மலை ஏறிப்போய் சந்நதியில் வைத்து சிறப்பு வழிபாடு நடத்துங்கள். கீழ்க்காணும் கந்தர் அலங்காரப் பாடலை தினமும் 21 முறை படியுங்கள். கணவன் -மனைவி பிரிய வேண்டிய நிலை இனி வராது.

பத்தித் துறையிழ்ந் தாநந்த
வாரி படிவதனால்
புத்தித் தரங்கந் தெளிவாதன்றோ பொங்கு வெங்குருதி
மெத்திக் குதிகொள்ள
வெஞ்சூரனைவிட்ட சுட்டியிலே
குத்தித் தரங்கொண்ட
அமராவதி கொண்ட கொற்றவனே!