எனது தம்பிக்கு 33 வயதாகிறது. எத்தனை ஜாதகம் வந்தாலும் ஏனோ திருமணம் தடைபட்டுக் கொண்டே இருக்கிறது. நாங்கள் செய்ய வேண்டிய பரிகாரத்தை கூறுங்கள்.

உங்கள் தம்பியின் ஜாதகத்தைப் பார்த்தபோது அதில் வயது கடந்த திருமணம்தான் சரியாக இருக்கும் என்று தெரிந்தது. இல்லையெனில் வேறு விளைவுகளை நிகழ்த்தியிருக்கும். அதனால் கவலைப்படாதீர்கள்.

லக்ன கேந்திரத்திலிருந்து குரு அமர்ந்து மனைவிக்குரிய இடத்தை பார்ப்பதால், நல்ல மனைவி நிச்சயம் அமைவாள். காத்திருந்தாலும் கடவுள் அருளால் நல்ல வாழ்க்கைத் துணையை உங்கள் தம்பி அடைவார்.

எல்லாமும் எண்ணியபடி நிறைவேற, ‘கந்தர்ப்ப ஜனகாபாங்க வீஷணாயை நமோ நமஹ’ என்ற ஸ்லோகத்தை தினசரி 108 முறை சொல்லி, ஒரு சுமங்கலிக்கு வெற்றிலை-பாக்கு கொடுங்கள். உங்கள் தம்பிக்கு திருமணம் விரைவில் நடக்கும்.