என் வயது 33. மூன்று ஆண்டுகளுக்குமுன் திருமணம் நடந்தது. இரண்டு மாதங்களுக்கு முன்பு என் கணவர் விபத்தில் இறந்து விட்டார். அந்த துக்கத்திலிருந்து மீண்டு வரமுடியவில்லை. உறவினர்கள் மறுமணம் செய்து கொள்ளச் சொல்கிறார்கள். என் மனம் அதை ஏற்கவில்லை. இன்னமும் உயிர் வா

இறைவன் கொடுத்த இந்தப் பிறவியை அவனை நினைத்தே, அவன் அருளாலேயே முடிக்க வேண்டும் என்பது வாழ்வியல் தர்மம். ராமனும், சீதையும் இந்த மண்ணில்தான் உதித்தார்கள்.

ஆனால் இருவருமே சேர்ந்து வைகுண்டம் போகவில்லை. நம்மால் யோசித்து முடிவெடுக்க முடியாத, நம் யோசனைக்கு அப்பாற்பட்டு தெரியும் விஷயங்களை தெய்வத்திடம் விட்டுவிட வேண்டும்.

உயிர் போக்கிக் கொள்வது என்பது நமக்குப் பிறப்பளித்த தெய்வத்தையே அவமானப்படுத்துவதாகும். அது மிகவும் பாவமான விஷயம். இதை வேதங்களும், சாஸ்திரங்களும் கடுமையாக எதிர்க்கின்றன.

காலம் மாறும். அமைதியாக இருங்கள். காமாட்சி அம்மனின் படத்தை அலங்கரித்து, கீழ்க்கண்ட ஸ்லோகத்தை தினமும் எழுபது முறை சொல்லுங்கள். மனம் அமைதி பெறும்.

கரோது ஸா ந சுபஹேது ரீஸ்வரீ
சுபானி பத்ராணீ அபிஹந்து ச ஆபத!