என் வயது 45. இரண்டு மகன்களும், ஒரு மகளும் இருக்கிறார்கள். மூத்த மகனுக்கு 21 வயது. மூளை வளர்ச்சி இல்லாமல் படுத்த படுக்கையாகி விட்டான். அரசாங்கப் பணியில் உள்ள என் கணவர் தற்போது என்னை வெறுத்து ஒதுக்குகிறார். என் வாழ்க்கையில் நிம்மதி பிறக்குமா?

தொடர்ந்து கவலைப்படுவது உடல்பிணியை அதிகமாக்கும் என்று ஆயுர்வேத நூலான ‘விஷாதோ ரோக காரணம்’ சொல்கிறது.

தெய்வம் கொடுத்த இந்த வாழ்க்கையில் பொறுமையைக் கையாண்டு, ‘குலாங்கனாயை நமஹ - குலஸங்கேத பாலின்யை நம’ என்ற தேவியின் இரு திருநாமங்களையும் கால, நேரம் பார்க்காமல் சொல்லிக் கொண்டே இருங்கள்.

மன உறுதி அதிகரிக்கும். மேலும் காலை, மாலை விளக்கேற்றி வைத்து கீழ்க்காணும் அபிராமி அந்தாதியின் 43வது பாடலைப் பாராயணம் செய்யுங்கள்.

பரிபுரச் சீறடிப் பாசாங்குசை பஞ்சபாணி இன்சொல்
திரிபுர சுந்தரி! சிந்துர மேனியள்! தீமை நெஞ்சில்
புரிபுர வஞ்சரை அஞ்சக் குனி பொருப்புச் சிலைக்கை
எரிபுரை மேனி இறைவர் செம்பாகத் திருந்தவளே!