பட்டப் படிப்பு படித்துள்ள என் மகனுக்கு நல்ல உத்யோகம் கிடைக்காமல் தடுமாறுகிறான். நான் பணி ஓய்வு பெற்றவன். மிகுந்த பொருளாதார நெருக்கடி. எங்கள் குடும்பம் முன்னேற பரிகாரம் கூறுங்கள்.

உங்கள் மகனின் ஜாதகப்படி, கலங்காத உறுதியான மனம் பெற்றவராக அவர் இருப்பார். கன்றை ஊட்டவிடுவது பால் கறப்பதற்காகத்தானே? அதுபோல தானங்கள் செய்வதும் விரைவில் விருப்பங்கள் நடந்தேற முக்கியமான சாதனமாகும்.

புதிய வெங்கல பாத்திரத்தில் கொள்ளு தானியம் நிரப்பிக் கொள்ளுங்கள். பல நிறங்கள் கொண்ட வஸ்திரத்தின் மேல் அந்த பாத்திரத்தை வைத்து மூன்று நாள் ராகுகால நேரத்தில் 336 தடவை கீழ்க்காணும் ஸ்லோகத்தைப் படியுங்கள்.

பிறகு வைணவ ஆலயத்தில் பூஜை செய்யும் பட்டரிடம் தானமாகக் கொடுங்கள். மகன் நல்ல பதவியை அடைந்து உயர்ந்து வாழ்வான்.

ஸர்ப்ப க்ரீவம் த்விநேத்ரஞ்ச
தவி புஜாஞ்ஜலி ஹஸ்தகம்
வஜ்ர மாபரணம் சைவ
சித்ர வஸ்த்ரேண தாரிணம்
ஸர்வஸித்தி ப்ரதாதாரம்
ஸ்ரீகேதும் ப்ரணமாம்யஹம்