என் வயது 25. எனது கணையத்தில் கல் மற்றும் இன்னும் பல உடல் உபாதைகள். வேலையிலிருந்து நின்று விட்டேன். திருமணத்திற்கான எந்தவித முயற்சியும் இல்லை. பெற்றோரும் மனத் துயரத்தில் உள்ளனர். பூரண நலம் பெற்று, திருமணமாகி வாழ பரிகாரம் கூறுங்கள்.

உங்கள் ராசிநாதனின் நட்சத்திரத்திலும் 10வது ராசியிலும் இந்த விக்ருதி புத்தாண்டு பிறந்துள்ளது. குழப்பங்கள் தீயினுள் விழுந்த தூசி போல மடிந்து போய்விடும்.

குரு நீசனாகிவிட்ட தங்களுக்கு தட்சிணாமூர்த்தி வழிபாடும், சிவாலய வழிபாடும் முழுமையான பிணி நீக்கம் தரும். உடலை நோய்களின் கூடாரமாக ஆக்கிவிடாமல், நிம்மதியாக வாழவேண்டுமானால் நம்மை பண்படுத்திக்கொள்வது ரொம்பவும் அவசியம்.

தனி அறையில் சோமசுந்தர கடவுளின் படத்தை வைத்து மனமுருகி கீழ்க்காணும் ஸ்லோகத்தை தினசரி 18 தடவை படித்து நமஸ்கரியுங்கள். சிவன் கோயில் வாசலில் தண்ணீர் பந்தல் அமைத்து, போவோர், வருவோரின் தாகத்தைத் தணியுங்கள்.

நல்ல துணைவனைப் பெற்று மகிழ்ச்சியுடன் வாழ்வீர்கள்.

ப்ரபூத குஹ்யாதி ஸமஸ்த ரோக
ப்ரணாச கர்த்ரே முனிவந்திதாய
ப்ரபா கரேத்வக்னி விலோசனாய
ஸ்ரீ வைத்யநாதாய நமசிவாய!