எந்தவித ஸ்டாம்ப் பேப்பரும் இல்லாமல், எந்தக் கையெழுத்தும் பெறாமல் எனது உறவினர்களுக்கும், நண்பர்களுக்கும் கடனாக ஏராளமான பணத்தை கொடுத்து விட்டேன். திருப்பித் தரவேண்டுமென்ற எண்ணமே அவர்களுக்கு இல்லை. நீதிமன்றம் செல்லக்கூட என்னிடம் ஆதாரமில்லை. தெய்வ சங்கல்பத்தா

தர்மமான முறையில் நீங்கள் பணத்தை பெற முயற்சிக்கிறீர்கள் என்பதே, கொடுத்த பணத்தை வெகுவிரைவில் பெறப் போகும் சூசக அறிகுறி. நேர்மையாக நடப்பதே இறைவனுக்கு செய்யும் மிகப் பெரிய பூஜை.

பணத்துடன் உடன்பிறப்புகள் நால்வர். அறம், நெருப்பு, அரசன், திருடன். இவர்கள் பிரியாது இருப்பார்கள். இவர்களில் மூத்தவரான அறத்தின் மீது & அதாவது தர்மத்தின் மீது - பணத்திற்கு அளவு கடந்த பிரியம் இருக்கும்.

மூத்தவரான தர்மத்தை அவமானப்படுத்தும் வீடுகளில், அதாவது வாங்கிய பணத்தை கொடுக்காதவர்களிடம் மற்ற மூவரும் சென்று செயல்படுவார்கள் என்று தர்ம சாத்திரங்கள் எச்சரிக்கின்றன. பொறுத்திருங்கள்.

நாட்டு மருந்துக் கடையில் கேட்டால் கருங்காலி என்ற மரத்துண்டு கிடைக்கும். அதனுடன் சிவப்பு அரளி புஷ்பம் நிறைய சேர்த்து கட்டுங்கள்.

இதனை அரச மரத்தடியிலுள்ள நாகர் சிலையில் வைத்துக் கட்டி, கற்பூரம் காட்டி நமஸ்கரியுங்கள். பிறகு கருங்காலி மரத்துண்டை கோயில் அர்ச்சகருக்கே தானமாகக் கொடுத்து விடுங்கள். வராத கடன்கள் வீடு தேடி வரும்.