என் வயது 45. வழக்கம்போல ஒருநாள் கடையிலிருந்து வீட்டிற்கு வந்து உட்கார்ந்த என்னால் மீண்டும் எழுந்திருக்கவே முடியவில்லை. இரண்டு கைகளும், கால்களும் செயலிழந்து விட்டன. சிகிச்சை எடுத்துவருகிறேன். விரைவில் குணமடைய நான் என்ன பரிகாரம் மேற்கொள்ள வேண்டும்?

நீங்கள் எதற்கும் பயப்படாதீர்கள். மருத்துவர்கள் சொல்லும் உணவு முறைகளையும், மருந்துகளையும் தொடர்ந்து எடுத்துக் கொள்ளுங்கள். விரைவில் குணமாக வேண்டுமென்று தொடர்ந்து பிரார்த்தனை செய்தபடி இருங்கள்.

அதோடு, நாட்டு மருந்துக் கடையில் நாயுருவி குச்சிகள் என்று கேட்டு வாங்குங்கள். கிட்டத்தட்ட ஆயிரம் நல்ல குச்சிகளை ஒன்றாகச் சேர்த்து முருகனுக்கு ஹோமம் செய்யச் சொல்லுங்கள்.

நீங்களும் அதில் கலந்து கொள்ளுங்கள். இரண்டு கிலோ முழுப் பயறும், பச்சை நிற வஸ்திரத்தையும் முருகனின் திருப்பாதத்தில் சமர்ப்பியுங்கள். விரைவில் எழுந்து நடமாடுவீர்கள்.

உடல் நலிவுற்றாலும், உள்ளம் உறுதியானால் தீராப் பிணியும் சூரியனைக் கண்ட பனியாக மறைந்துவிடும்.