கேழ்வரகு அடை கேழ்வரகு அடை

தேவையான பொருட்கள்...

கேழ்வரகு மாவு - 1 கப்
முருங்கைக்கீரை - 2 கப்
வெங்காயம் - 1
பச்சைமிளகாய் - 1
உப்பு - தேவையான அளவு
நல்லெண்ணெய் - 3 டீஸ்பூன்

செய்முறை.....

* கீரையை ஆய்ந்து சுத்தம் செய்து கொள்ளவும்.• வெங்காயம்,பச்சைமிளகாய் இவற்றை பொடியாக நறுக்கிக் கொள்ளவும்.

• மாவு, கீரை 1:2 என்ற விகிதத்தில் எடுத்துக்கொள்ள வேண்டும்.

• ஒரு பாத்திரத்தில் மாவுடன் எல்லாப் பொருள்களையும் போட்டு கலந்து, சிறிது சிறிதாக தண்ணீர் விட்டு சப்பாத்தி மாவு பதத்திற்கு பிசைந்துகொள்ள வேண்டும்.

• பின்னர் பிசைந்து வைத்த மாவில் இருந்து ஒரு சிறு உருண்டை அளவு எடுத்து ஈரத்துணியின் மேல் வைத்து அடை போல் தட்டவும்.

• தோசைக்கல்லை அடுப்பில் வைத்து கல் சூடேறியதும் கொஞ்சம் எண்ணெய் விட்டு அடையை எடுத்துப் போட்டு சுற்றிலும், அடையின் மேலும் கொஞ்சம் எண்ணெய் விட வேண்டும்.

• இப்போது மூடி போட்டு வேகவிடவும். ஒருபுறம் வெந்ததும் திருப்பிப் போட்டு மறுபுறம் வேகவிடவும்.

• வெந்ததும் எடுத்து சூடாகப் பரிமாறவும்.