ஹாலிவுட் படத்தில் குள்ள அப்புவாக கமல்...?!

தற்போது விஸ்வரூபம் பிரச்னையில் சிக்கியிருக்கும் அவர், விரைவில் அதிலிருந்து விடுபடும் சூழ்நிலைகள் அதிகரித்துள்ளது. இந்த நிலையில், அடுத்தபடியாக பிரபல ஹாலிவுட் இயக்குனர் இயக்கும் ஒரு படத்தில் நடிக்கும் கமல், தானும் ஒரு படத்தை இயக்குகிறார். அந்த படம் எந்த மாதிரியான கதையாக இருக்கும என்று பலரும் யோசித்துக்கொண்டிருக்கிற சூழ்நிலையில், இப்போது அது பற்றிய தகவல்கள் கசிந்துள்ளன.

அதாவது, ஏற்கனவே தமிழில் கமல் நடித்த அபூர்வ சகோதரர்கள் படத்தைதான் ஹாலிவுட்டுக்கு கொண்டு செல்கிறாராம் கமல். அந்த படத்தில் அவர் அப்புவாக நடித்த ரகசியம் இன்றுவரை வெளியில் தெரியாத ரகசியமாகவே இருந்து வருகிறது. இந்த நிலையில், ஹாலிவுட்டில் அந்த அப்பு கேரக்டர் இன்னும் பல சாகசகங்களை செய்யும் வகையில் வித்தியாசமாக கதையை உருவாக்கியிருக்கிறாராம் கமல். ஆக, விஸ்வரூபத்தின் மூலம் உலக அளவில் வெளிச்சத்துக்கு வந்துவிட்ட கமலை, அவரது அடுத்தடுத்து ஹாலிவுட் படங்கள் இன்னும் புகழ் உச்சிக்கு கொண்டும் செல்லும் காலம் நெருங்கிக்கொண்டிருக்கிறது.