காலிபிளவர் மசாலா கேழ்வரகு தோசை

தேவையான பொருட்கள்.....


கேழ்வரகு மாவு - 1 கப்

அரிசி மாவு - அரை கப்

உளுந்து - அரை கப்


மசாலாவுக்கு....


காலிபிளவர் - 1 கப்

வெங்காயம் - 2

தக்காளி - 1

மிளகாய் தூள் - தேவையான அளவு

உப்பு - தேவையான அளவு

மிளகு தூள் - தேவையான அளவு

எண்ணெய் - 1 ஸ்பூன்

கொத்தமல்லி தழை - சிறிதளவு


செய்முறை....


• உளுந்தை 4 மணி நேரம் ஊற வைத்து நைசாக அரைத்துக் கொள்ளவும்


• முதல் நாள் இரவே கேழ்வரகு மாவு,அரிசி மாவு, அரைத்த உளுந்து, உப்பு சேர்த்து கலந்து வைக்கவும்


• தக்காளி, வெங்காயம்,கொத்தமல்லி தழை, காலிபிளவரை பொடியாக நறுக்கிக் கொள்ளவும்


• அடுப்பில் கடாய் வைத்து அதில் எண்ணெய் ஊற்றி வெங்காயம், தக்காளி போட்டு வதக்கிய பின்னர் காலிபிளவர் சேர்த்து வேகும் வரை வதக்கவும்.


• வெந்ததும் மிளகாய் தூள், மிளகு தூள், தேவையான அளவு உப்பு சேர்த்து கொத்தமல்லி தழை தூவி இறக்கவும்


• அடுப்பில் தோசை கல்லை வைத்து அதில் முதல் நாள் இரவில் கலந்து வைத்த மாவை மெல்லிய தோசைகளாக ஊற்றி மேலே மூடி வைக்கவும்


• வெந்ததும் தோசையின் நடுவே காலிபிளவர் மசாலாவை வைத்து இரண்டாக மடித்து பரிமாறவும்


• சத்தான, சுவையான காலிபிளவர் மசாலா கேழ்வரகு தோசை ரெடி