ராஜஸ்தான் ஹாட்ரிக் வெற்றி பெறுமா?: புனேவுடன் இன்று மோதல்

ஐ.பி.எல். பேட்டியில் இன்று இரண்டு ஆட்டம் நடக்கிறது. மாலை 4 மணிக்கு நடைபெறும் ஆட்டத்தில் கோலி தலைமையிலான ராயல் சேலஞ்சர்ஸ் பெங்களூர்- காம்பீர் தலைமையிலான கொல்கத்தா நைட் ரைடர்ஸ் அணிகள் மோதுகின்றன. கொல்கத்தா அணி 2-வது வெற்றிக்காகவும், பெங்களூர் அணி 3-வது வெற்றிக்காகவும் காத்திருக்கிறது. இரு அணியிலும் சிறந்த அதிரடி வீரர்கள் இருப்பதால் ஆட்டம் விறுவிறுப்பாக இருக்கும் என்று எதிர்பார்க்கப்படுகிறது.

இரவு 8 மணிக்கு புனேயில் நடைபெறும் ஆட்டத்தில் ராஜஸ்தான் ராயல்ஸ்- புனே வாரியாஸ் அணிகள் மோதுகின்றன. ராஸ்தான் அணி தொடக்க ஆட்டத்தில் டெல்லி டேர்டெவில்சையும், 2-வது ஆட்டத்தில் கொல்கத்தா நைட் ரைடர்ஸ் அணியையும் தோற்கடித்தது. தற்போது ஹாட்ரிக் வெற்றியை பெறும் ஆர்வத்துடன் ராஸ்தான் ராயல்ஸ் உள்ளது.

அந்த அணியில் கேப்டன் டிராவிட், வாட்சன், ரகானே, ஹோட்ஜே, கெவின் கூப்பர் போன்ற சிறந்த வீரர்கள் உள்ளனர். புனே வாரியர்ஸ் அணி ஹாட்ரிக் தோல்வியை தவிர்க்க வேண்டிய கட்டாயத்தில் உள்ளது.

அந்த அணி தொடக்க ஆட்டத்தில் சன் ரைசர்ஸ் ஐதராபாத்திடமும், 2-வது ஆட்டத்தில் கிங்ஸ் லெவன் பஞ்சாப்பிடமும் தோற்றது. பலவீனமாக காணப்படும் அந்த அணி முதல் வெற்றியை பெறும் ஆர்வத்தில் உள்ளது.