ஆந்திராவில் இலங்கை மீனவர்கள் 11 பேர் கைது

ஆந்திர மாநிலம், நல்லூர் கடலோர பகுதியில் இந்திய கப்பற்படையினர் ரோந்துப்பணியில் ஈடுபட்டிருந்தனர். அப்போது இலங்கையைச் சேர்ந்த மீனவர்கள் 2 படகுகளில் வந்து, சட்டத்துக்கு மாறாக இந்திய கடற்கரை பகுதியில் மீன்பிடித்துக்கொண்டு இருந்தனர்.

2 படகுகளையும், அதில் இருந்த 300 கிலோ மீன்களையும் பறிமுதல் செய்த கப்பற்படை அதிகாரிகள் 11 இலங்கை மீனவர்களையும் பிடித்து போலீசில் ஒப்படைத்தனர்.

விசாரணையில், இலங்கை திரிகோணமலை பகுதியில் இருந்து மீன் பிடிக்க கடலுக்குள் வந்த மீனவர்கள், மோசமான வானிலை காரணமாக வழி தவறி இந்திய எல்லைக்குள் வந்திருப்பது தெரிய வந்தது.