அடர்ந்த காட்டுக்குள் உருவாகும் திகில் படம் ‘அடுத்தது’

தமிழ் சினிமாஙில் திகில் படங்களின் தயாரிப்பு மிகக்குறைவே. அண்மையில் வெளியான ‘காஞ்சனா’ திரைப்படம் ஒரு வகையில் பார்த்தால் திகில் பட வரிசையை சார்ந்ததுதான். முழுக்க முழுக்க திகில் கதையை பிண்ணனியாக வைத்து ‘அடுத்தது’ என்ற படம் ஒன்று உருவாகி வருகிறது. இப்படத்தினை தக்காளி சீனிவாசன் இயக்குகிறார்.

இப்படம் குறித்து இயக்குனர் தக்காளி சீனிவாசன் கூறியதாவது:
‘ஜென்ம நட்சத்திரம்’, ‘விட்னஸ்’, ‘அசோக வனம்’ படங்களை தொடர்ந்து ‘அடுத்தது’ என்ற திகில் படத்தை இயக்கி, தயாரிக்கிறேன். நடுங்க வைக்கும் அடர்ந்த காட்டுக்குள் செல்லும் 10 பேர் சந்திக்கும் அதிர்ச்சி அனுபவம்தான் கதை. ஸ்ரீமன், நாசர், இளவரசு, மீனாள், தர்ஷினி, ஆஷா உள்ளிட்ட பலர் நடிக்கின்றனர்.

இதுபோன்ற திகில் படங்களில் கிளைமாக்ஸ்தான் உயிர்நாடி. முதல் ஷோவிலேயே சஸ்பென்ஸ் உடைந்துவிடும். படம் பார்ப்பவர்கள் சஸ்பென்ஸ் ரகசியத்தை காப்பதை பொறுத்து படத்தின் மவுசு கூடும். இதுபோன்ற திகில் படங்களுக்கு எப்போதுமே வரவேற்பு உண்டு.

இப்படத்தின் வெளிநாட்டு உரிமையை விற்கவில்லை. அப்படி உரிமை தந்தால் அது திருட்டு சி.டியாக மாறி படம் ரிலீஸ் ஆகும் அதே நாளில் இங்கு வந்து நமக்கு திகிலைக் கொடுக்கும்.’’ என்றார்.