பவர் ஸ்டார் நடிக்கும் திகில் படம் 'காந்தாரி'

பவர் ஸ்டார் அடுத்ததாக 'காந்தாரி' எனும் திகில் படத்தில் காமெடி நடிக்க இருக்கிறார்.

எம்.கே.குமார் இயக்கும் இந்தப் படத்தில் சாட்டை கீரிபுள்ள, சொகுசு பேருந்து நிலையம் ஆகிய படங்களில் நடித்துள்ள யுவன் நாயகனாக நடிக்கிறார். அறிமுக நாயகிகளாக மும்பை வரவு இசா மற்றும் பிரிதிக்ஷா மைதிலி ஆகியோர் நடிக்கின்றனர். இவர்களுடன் இணைந்து நாசர், சந்தானபாரதி, காதல் தண்டபாணி, கலாபவன் மணி, வடிவுக்கரசி என ஒரு நட்சத்திரப் பட்டாளமே நடிக்கிறது. விஜய் ஆனந்த் இசையமைக்கிறார். ஒரியண்டல் பிக்சர்ஸ் மற்றும் ஜீரோ ரூல்ஸ் எண்டெர்டெயின்மெண்ட் ஆகிய நிறுவனங்கள் இணைந்து தயாரிக்கின்றனர்.

படத்தின் கதைப்படி வீடு ஒன்றில் குடும்பமே தற்கொலை செய்து கொள்கிறது. அங்கே யாருமே குடிவராத நிலையில் காதலர்கள் இருவர் எதிரிகளிடமிருந்து தப்பித்து இந்த வீட்டில் தஞ்சம் அடைகின்றனர். இறந்தவர்களில் காந்தாரி என்ற இளம்பெண், தன் குடும்பம் அழிவதற்கு காரணமானவர்களை பழிவாங்க உடல் தேடி அலையும் போது கதாநாயகன் மாட்டிக்கொள்ள, அவன் உடம்பில் தொற்றிக் கொள்கிறாள். காதலனின் உடம்பில் இருந்து காந்தாரி வெளியேறினாளா....? காதல் கைகூடியதா..? என்பது தான் படத்தின் ஹைலைட். இதில் பவர் ஸ்டாரின் காமெடி பெரிதாக பேசப்படுமென கூறப்படுகிறது.