இயக்குனராக மாற இருக்கும் ‘தமிழ் படம்’ நாயகன்

வெங்கட் பிரபுவால் ‘சென்னை 600028’ படத்தின் மூலம் அறிமுகமானவர் மிர்ச்சி சிவா. இப்படத்தை அடுத்து பிரபல கதாநாயகர்களை நையாண்டி செய்த ‘தமிழ் படம்’ என்ற படத்தில் கதாநாயகனாக நடித்தார். ‘வ குவார்ட்டர் கட்டிங்’ என்ற படத்தில் நடித்தார். அதன் பிறகு சினிமா வாய்ப்புகள் வரும் என்று காத்திருந்தவருக்கு ஏமாற்றம்தான் மிஞ்சியது.

இதனால் ‘தமிழ் படம்’ ஸ்கிரிப்டை போன்றே, புதிய நையாண்டித்தனமான ஸ்கிரிப்ட் ஒன்றை தயார் செய்தவர், அப்படத்தை தானே இயக்கி நடிக்கவும் முடிவு செய்திருக்கிறார். இதனால் தெரிந்த தயாரிப்பாளர்களிடம் எல்லாம் வாய்ப்பு கேட்டு வருகிறார். வாய்ப்பு கிடைத்தால் விரைவில் இவர் இயக்குனர் ஆவார் என கோலிவுட் பரபரக்கிறது.