திருப்பரங்குன்றத்தில் ரவுடி கொலை வழக்கில் 7 பேர் கைது

திருப்பரங்குன்றத்தை சேர்ந்தவர் வெற்றிவேல், பிரபல ரவுடி. இவர் 2011-ம் ஆண்டு கொலை செய்யப்பட்டார். இந்த கொலை தொடர்பாக ஆஸ்டின்பட்டி போலீசார் வழக்குப்பதிவு செய்து விசாரணை நடத்தினர். கொலையாளிகளை பிடிக்க தனிப்படை ஒன்று அமைக்கப்பட்டது. தனிப்படையினர் கொலையாளிகளை தேடி வந்தனர்.

இந்த கொலை தொடர்பாக அப்பளராஜா என்ற ராஜா, கிரி என்ற மணிமாறன், நடராஜன், பிரேம் ஆனந்த், சதீஷ், பொன்னாங்கன், மகாலிங்கம் ஆகிய 7 பேரை போலீசார் கைது செய்தனர்.

கைது செய்யப்பட்ட 7 பேரும் இன்று திருமங்கலம் மாஜிஸ்திரேட்டு கோர்ட்டில் ஆஜர்படுத்தப்பட்டனர். மாஜிஸ்திரேட்டு பன்னீர் செல்வம், 7 பேரையும் 11.6.2013 வரை காவலில் வைக்க உத்தரவிட்டார். அதனை தொடர்ந்து அப்பளராஜா என்ற ராஜா, கிரி ஆகியோர் வேலூர் சிறையிலும், மற்ற 5 பேர் மதுரை சிறையிலும் அடைக்கப்பட்டனர்.