அப்பா செல்லமாம் பிரியங்கா…!

பொதுவாக நடிகைகள், அம்மா செல்லமாகத் தான் இருப்பார்கள். ஆனால், பிரியங்கா சோப்ரா, அப்பா செல்லமாம். தந்தை மீதான பாசத்தை வெளிப்படுத்தும் வகையில், தன் கையில், “டாடீஸ் லிட்டில் கேர்ள் (அப்பாவின் குட்டி பெண்) என்ற வார்த்தைகளை பச்சை குத்தியுள்ளார். படப்பிடிப்புக்காக அமெரிக்கா சென்றிருந்த பிரியங்கா, சமீபத்தில் மும்பைக்கு திரும்பினார். விமான நிலையத்தில் இருந்து வெளியில் வரும்போதே, தன் கையில் பச்சை குத்தியிருப்பதை, புகைப்படக்காரர்களுக்கு, பெருமையுடன் காட்டினார். “என் தந்தை என்றால், எனக்கு உயிர். அவர் மீது, எந்தளவுக்கு பாசம் வைத்திருக்கிறேன் என்பதை, இந்த உலகத்துக்கு தெரிவிக்கும் வகையிலேயே, இந்த வார்த்தைகளை பச்சை குத்தியுள்ளேன் என, பெருமிதத்துடன் கூறினார் பிரியங்கா.