மதன் கார்க்கி - அப்பா வழியில்

அப்பா கவிப்பேரரசு வைரமுத்து வழியில் அவரது மகன் மதன் கார்க்கியும் படங்களை ப்ரமோட் செய்ய ஆரம்பித்துள்ளார்.

வைரமுத்து ஒரு படத்துக்குப் பாடல் எழுதுகிறார் என்றால் அப்படத்தின் மறைமுக பிஆர்ஓ போலவே செயல்படுவார். படத்தின், கதையின், இயக்குன‌ரின் அருமை பெருமைகளெல்லாம் தவணை முறையில் அவ‌ரிடமிருந்து பேட்டிகளில் கொட்டும். தென்மேற்கு பருவக்காற்று பிரபலமடைந்ததற்கு கவிப்பேரரசின் இந்த தொண்டு முக்கிய காரணம் என்பதை சனு ராமசாமியே மறுக்க மாட்டார்.

தந்தை எவ்வழியோ தனயன் அவ்வழி. மதன் கார்க்கி பாலாஜp இயக்கியிருக்கும் நடுவுல கொஞ்சம் பக்கத்தை காணோம் படத்துக்கு பாடல் எழுதியிருக்கிறார். இந்தப் படத்தை ஆஹா ஓஹோ என்று புகழ்ந்து தள்ளியுள்ளார். இப்படியொரு காமெடிப் படம் இல்லை என்கிற அளவுக்கு இருக்கிறது அவரது புகழுரைகள்.

இதற்குப் பிறகு பாலா‌ஜி தனது அடுத்தப் படத்துக்கு மதன் கார்க்கி தவிர்த்து வேறொருவரை யோசிக்க முடியுமா?