சத்யராஜ் - அழகான நடிகைகளின் அப்பா

சிபி ராஜுக்கு மருந்துக்கு ஒரு படமில்லை. ஆனால் அப்பா சத்யராஜ் அறுபதிலும் அடித்து ஆடுகிறார். பெரிய பட்ஜெட் படங்களுக்கு தேவைப்படும் காஸ்ட்லி அப்பா ரோலுக்கு சப்னை செய்யப்படுகிறவர் நமது சத்யராஜ்தான்.

நண்பன் படத்தில் இலியானாவுக்கு அப்பாவாக நடித்தார். அதற்குமுன் தெலுங்குப் படமான - பாவாடை சாமியோ சிவப்பு சாமியோ சரியாக நினைவில்லை - அந்தப் படத்தில் ஹீரோவுக்கு அப்பா. இப்போது தீபிகா படுகோனுக்கு அப்பாவாகியிருக்கிறார். உபயம் மெட்ராஸ் எக்ஸ்பிரஸ்.

ஷாருக்கான், தீபிகா படுகோன் நடிக்கும் மெட்ராஸ் எக்ஸ்பிரஸில் சில தமிழ் பாசஞ்சர்ஸையும் ஏற்றியிருக்கிறார்கள். அதில் ஒருவர் சத்யராஜ். இன்னொருவர் ஆச்சி மனோரமா. ஆச்சி பல பத்தாண்டுகளுக்கு முன் இந்தியில் நடித்திருக்கிறார். சத்யராஜுக்கு இது முதல்முறை.

இந்தப் படத்தில் தீபிகாவின் அத்தையாக ஆச்சியும், அப்பாவாக சத்யராஜும் நடிக்கிறார்கள். ராமேஸ்வரத்தில் சில காட்சிகளை ஷுட் செய்யவிருக்கிறார்களாம்.

சத்யராஜ் இருப்பதால் படத்தை தமிழில் டப் செய்து வெளியிடும் எண்ணம் ஷாருக்கானுக்கும் இயக்குனர் ரோஹித் ஷெட்டிக்கும் இருக்கிறது. பார்க்கிற ஐடியா உங்களுக்கு இருக்கிறதா?
சத்யராஜ், நடிகைகள் அப்பா வேடம்