சுங்கவரித்துறை அதிகாரிகளுடன் நடிகை சோனா வாக்குவாதம்

நடிகை சோனா பாங்காக்கில் இருந்து தாய் ஏர்லைன்ஸ் விமானம் மூலம் சென்னை வந்தபோது பயணிகளிடம் சுங்கவரித்துறை அதிகாரிகள் வழக்கமான பரிசோதனைகள் செய்து கொண்டிருந்தனர். சோனாவின் உடைமைகளை பரிசோதித்த போது, 25 ஆயிரம் ரூபாய் மதிப்பிலான ரெடிமேட் ஆடைகள் புதிதாக வாங்கி வந்திருப்பது தெரியவந்தது.

பொதுவாக ஒரு பயணி வெளிநாட்டில் இருந்து வரும் போது, சொந்த பயனுக்காக 25 ஆயிரம் ரூபாய் மதிப்பிலான பொருட்களை வாங்கி வரலாம். ஆனால், சோனா ஏற்கனவே இரண்டு முறை வெளிநாட்டில் இருந்து இது போன்ற பொருட்களை வாங்கி வந்துள்ளாராம். அதனால், இவர் வர்த்தக ரீதியாக இந்த ஆடைகளை வாங்கி வருவதாக சந்தேகித்து, ஆடைகளுக்கு சுங்க வரி செலுத்தி விட்டு வீட்டிற்கு எடுத்துச் செல்லுமாறு சோனாவிடம் சுங்கவரித்துறை அதிகாரிகள் கூறினர்.

ஆனால் நடிகை சோனா வரி செலுத்தாமல் வாக்குவாதம் செய்தும் பயனில்லாததால், பொருட்களை நீங்களே வைத்துக் கொள்ளுங்கள் வந்து சுங்க வரி செலுத்திவிட்டு எடுத்துச் செல்கிறேன் என்று கூறிவிட்டுச் சென்றாராம்.