சுங்க அதிகாரிகளுடன் சண்டை போட்ட சோனா!

சென்னை மீனம்பாக்கம் அண்ணா பன்னாட்டு விமான நிலையத்திற்கு 12.03.2012 நள்ளிரவு பாங்காங்கில் இருந்து தாய் ஏர்வேஸ் விமானம் வந்தது. இதில் வந்தவர்களிடம் சுங்க இலாகா அதிகாரிகள் சோதனை போட்டனர். அப்போது நடிகை சோனா கொண்டு வந்த உடைமைகளை சுங்க இலாகா அதிகாரிகள் சோதனை போட்டனர். அவர் ரூ.27 ஆயிரத்திற்கும் அதிகமான ரெடிமெட் துணிகளை கொண்டு வந்தது தெரிய வந்தது. இந்த துணிகளுக்கு சுங்க வரியை கட்ட வேண்டும்" என்று சுங்க இலாகா அதிகாரிகள் சோனாவிடம் கூறினார்கள். ஆனால் நடிகை சோனா சுங்க வரியே விதிக்கக் கூடாது என்று வாதிட்டார். (சண்டை போடுறதுன்னா சோனாவுக்கு அல்வா சாப்டுற மாதிரி இருக்கும்போல) இதையடுத்து சுங்க இலாகா அதிகாரிகள் மற்றும் நடிகை சோனா இடையே வாக்குவாதம் ஏற்பட்டது. சுங்க வரியை செலுத்தாமல் பொருட்களை வெளியே எடுத்து செல்ல அனுமதிக்க மாட்டோம்" என்று அதிகாரிகள் கூறினார்கள். அதற்கு சோனா, என்னிடம் இப்போது பணம் இல்லை; சுங்க வரியை நானோ என் உதவியாளரோ செலுத்தி பொருட்களை எடுத்து செல்கிறேன்" என்று கூறி விட்டு சென்று விட்டார். இதனால் விமான நிலையத்தில் பரபரப்பு ஏற்பட்டது. ஆத்திரக்காரிக்கு புத்தி மட்டு தானே.......