11 ஜோடிகளுக்கு திருமணம்: நடிகர் விஜய் நடத்திவைத்தார்

வேலூர், ஆக. 19: வேலூர் ரங்காபுரத்தில் 11 ஜோடிகளுக்குத் திருமணத்தை நடிகர் விஜய் ஞாயிற்றுக்கிழமை நடத்தி வைத்தார்.

வேலூர் மாவட்ட விஜய் நற்பணி இயக்கம் சார்பில் நடைபெற்ற இவ்விழாவில், மணமக்களுக்கு 51 வகையான சீர்வரிசை பொருள்களையும், நற்பணி மன்ற நிர்வாகிகளுக்கு மோதிரம், தங்கச் சங்கிலியையும் விஜய் வழங்கினார்.

பின்னர், மணமக்களை வாழ்த்தி அவர் பேசியது:

ரசிகர்கள் இல்லாமல் நான் இல்லை. மணமக்கள் கருத்தொற்றுமையுடன் வாழ்க்கையை நடத்தவேண்டும்.

நான் இப்போது நடித்துக்கொண்டிருக்கும் துப்பாக்கி படத்தில் 5 புல்லட்டுகள் நிரப்பப்பட்டுள்ளன. இன்னும் ஒரு புல்லட் நிரம்பியதும் படம் திரைக்கு வரும் என்றார்.