அக்டோபர் 6ல் ஆதிபகவன் ஆடியோ ரிலிஸ்

பருத்திவீரன் திரைப்படத்தை தொடர்ந்து அமீர் இயக்கத்தில் உருவாகி இருக்கும் திரைப்படம் ஆதிபகவன். ஜெயம் ரவி நாயகனாகவும் அவருக்கு ஜோடியாக நீது சந்திராவும் நடித்திருக்கிறார். யுவன் சங்கர் ராஜா இசையமைத்துள்ளார். தி.மு.க.,பிரமுகர் ஜெ.அன்பழகன் தயாரித்துள்ளார். நீண்ட நாள்களாக நடைபெற்று வந்த இதன் படப்பிடிப்பு அண்மையில் முடிவடைந்தது. இந்நிலையில் இப்படத்தின் ஆடியோ அக்டோபர் 6ம் தேதி வெளியிடப்படுகிறது. இதற்காக கனடா, தலைநகர் டோராண்டோவில் பிரமாண்ட விழா நடத்தி ஆடியோவை வெளியிட திட்டமிட்டுள்ளனர். ஆதிபகவன் திரைப்படத்தில், முழுவதும் இந்தி வரிகள் அடங்கிய பாடல் ஒன்று இடம்பெற்றுள்ளதாக தகவல் வெளியாகி உள்ளது. இந்தப் பாடலை பாடகர் மோஹித் சௌகான் பாடியுள்ளார்.