அக்டோபர் 7 நயன்தாரா படத்தின் ஆடியோ

கம்யம், வேதம் படங்களை இயக்கிய க்‌ரிஷின் அடுத்த படம் Krishnam Vande Jagadgurum. தெலுங்கு தெ‌ரியாமல் மொழிபெயர்த்தால் பெய‌ரின் கடைசி எப்படிப் பார்த்தாலும் குருமா என்றே வருகிறது. எதற்கு வம்பு, ஆங்கிலத்திலே படித்துக் கொள்ளுங்கள்.

இதில் கம்யம் காதல்னா சும்மா இல்லை என்ற பெய‌ரில் தமிழில் ‌ரிமேக் செய்யப்பட்டது. இரண்டாவது படமான வேதத்தை க்‌ரிஷ்ஷே வானம் என்ற பெய‌ரில் தமிழில் எடுத்தார். தெலுங்கில் சூப்பர்ஹிட்டான இரண்டும் தமிழில் ரொம்ப சுமாராகவே போனது. மூன்றாவது படத்தை தமிழ் தெலுங்கு இரு மொழிகளில் எடுத்திருக்கிறார் க்‌ரிஷ். நயன்தாரா, ராணா நடித்துள்ளனர். ராணாவின் முதல் தமிழ்ப் படமாக இருக்கப் போகும் இதற்கு மணிசர்மா இசையமைத்துள்ளார்.

இதன் தெலுங்குப் பதிப்பின் ஆடியோ வெளியீட்டு விழா கடந்த 3 ஆம் தேதி நடந்திருக்க வேண்டும். சில காரணங்களால் நடக்கவில்லை. இப்போது வரும் 7 ஆம் தேதிக்கு ஆடியோ வெளியீட்டை தள்ளி வைத்துள்ளனர். இதனைத் தொடர்ந்து தமிழிலும் ஆடியோவை பிரமாண்டமாக வெளியிட திட்டமிட்டுள்ளனர்.

தெலுங்கு, தமிழ் இரு மொழிகளிலும் படம் ஒரே நாளில் வெளியாகும் என தெ‌ரிகிறது.
அக்டோபர் நயன்தாரா ஆடியோ