பாரதிராஜாவின் அழைப்புக்காக காத்திருக்கிறேன் : இனியா

இயக்குநர் பாரதிராஜாவின் அடுத்த படத்தில் அழைப்பு வரும் என்று நம்பிக்கையோடு காத்திருப்பதாக நடிகை இனியா கூறியுள்ளார்.

பாரதிராஜா தற்போது இயக்கிக் கொண்டிருக்கும் அன்னக்கொடியும், கொடிவீரனும் படத்தில் அமீர் நீக்கப்பட்டதைத் தொடர்ந்து சில மாற்றங்கள் செய்யப்பட்டதால், அப்படத்தில் இருந்து இனியா நீக்கப்பட்டார்.

இந்த அதிர்ச்சியானத் தகவலை பாரதிராஜா, இனியாவிடம் சொல்லும்போதே ஒரு உறுதியையும் அளித்தார். நிச்சயமாக, தான் தனது அடுத்தப் படத்தில் இனியாவுக்கு வாய்ப்பு அளிப்பதாகக் கூறினார். பாரதிராஜா போன்ற மிகப்பெரிய இயக்குநர்கள் கொடுத்த வாக்கை காப்பாற்றவார்கள் என்று நம்பும் இனியா, பாரதிராஜாவின் அடுத்த படத்தில் தனக்கு வாய்ப்பு கிடைக்கும் என்ற நம்பிக்கையோடு காத்திருப்பதாகக் கூறியுள்ளார்.

வாகை சூட வா மற்றும் மௌனகுரு போன்ற படங்களில் நடித்துப் பெயர் வாங்கியுள்ள இனியா, தற்போது நடித்துள்ள படம் அம்மாவின் கைபேசி. இப்படத்தில் சாந்தனுவுடன் இனியா ஜோடி சேர்ந்துள்ளார். இப்படம் விரைவில் வெளியாக உள்ளது.