பாரதிராஜாவின் புதிய படத்தில் பிரியாமணி

ஆக்ஷன் கிங் அர்ஜுன், நானா படேகர், காஜல் அகர்வால், ரஞ்சிதா நடித்த ‘பொம்மலாட்டம்‘ படத்துக்குப் பிறகு இயக்குனர் இமயம் பாரதிராஜா இயக்கும் படம் ‘அன்னக்கொடியும் கொடிவீரனும்’. இதில் பார்த்திபன், ‘பூ’ பார்வதி, பிரியாமணி, மீனாள் உட்பட பலர் நடிக்கின்றனர். ஜி.வி.பிரகாஷ்குமார் இசை அமைக்கிறார். ‘பருத்தி வீரன்’ படத்திற்குப் பிறகு, பிரியா மணி நடிக்க இருக்கும் கிராமத்து படம் இது என்பது குறிப்பிடத்தக்கது.

மேற்குறிப்பிட்ட பிரபலங்களைத் தவிர இப்படத்தில் ஏராளமான புதுமுகங்கள் அறிமுகமாகிறார்கள். இதற்காக தேனி, ஆண்டிப்பட்டி பகுதிகளில் நடிகர், நடிகை தேர்வில் பாரதிராஜா ஈடுபட்டுள்ளார். அடுத்த மாதம் ஷூட்டிங் தொடங்குகிறது.

இது ‘‘கிழக்கு சீமையிலே’ படம் மாதிரியான மண் சார்ந்த கதை. தமிழ் சினிமாவுக்கு, புதிய முயற்சி படமாக இருக்கும். புதுமுகங்களுக்கு முக்கியத்துவம் கொடுக்க இருப்பதால் இயக்குனர் பாரதிராஜாவே நேரடியாக நடிகர், நடிகை தேர்வில் கவனம் செலுத்தி வருகிறார்’’ என்று கோலிவுட் வட்டாரம் தகவல் தெரிவிக்கிறது.