சித்தார்த் நடிக்கும் ‘தீயா வேலை செய்யணும் குமாரு’

இயக்குனர் பட்டியலில் இருந்து நடிகரானவர் வரிசையில் சுந்தர்.சி. யும் ஒருவர்.

இவர் தலைநகரம், வீராப்பு, சண்டை, தீ, ஐந்தாம் படை என குறிப்பிட்ட சில படங்களில் நடித்துள்ளார்.

பின்னர் 2012ம் ஆண்டு 'கலகலப்பு' திரைப்படத்தின் மூலம் மீண்டும் இயக்குனர் பணியை தொடங்கினார். இந்தப் படம் நல்ல வரவேற்பை பெற்றதால் தொடர்ந்து படங்களை இயக்குவதில் தன்னுடைய முழு கவனத்தையும் செலுத்தி வருகிறார்.

தற்போது விஷால் நடிப்பில் மத கஜ ராஜா என்கிற படத்தை முடித்துவிட்ட அவர் சித்தார்த் - ஹன்சிகான நடிப்பில் புதிய படம் ஒன்றை இயக்க இருக்கிறார். இந்தப் புதிய படத்துக்கு ‘தீயா வேலை செய்யணும் குமாரு’ என பெயரிட்டுள்ளார். படத்தை சுந்தர்.சி.யின் மனைவி குஷ்பு தயாரிக்கிறார்.