சுந்தர் சி-யின் தீயா வேலை செய்யணும் குமாரு

மத கஜ ராஜாவை இயக்கி வருகிறார் சுந்தர் சி. விஷால், வரலட்சுமி, அஞ்சலி, சந்தானம் நடிக்கும் இந்தப் படத்துக்குப் பிறகு அப்படியே கலகலப்பு பார்ட் டூ வை சுந்தர் சி இயக்குவார் என்று யு டிவி தனஞ்செயன் உள்பட அனைவரும் நினைத்துக் கொண்டிருந்தார்கள். ஆனால் அவர்கள் அனைவருக்கும் சுந்தர் சி-யும், திருமதி சுந்தர் சி-யும் கிண்டியிருக்கும் அவசர அல்வாதான் இந்த தீயா வேலை செய்யணும் குமாரு.

காமெடிப் படங்கள்தான் இப்போது ஓடுகிறது. அதிலும் கலகலப்பு கன்னாபின்னாவென்று கலெக்சனை அள்ளியது. சுந்தர் சி. படம் என்றால் கேள்வி கேட்காமல் கரன்சியை கொட்ட‌த் தயாராக இருக்கிறது இ‌ண்டஸ்ட்‌ரி. நிலமும் பதமா இருக்கு மழையும் இதமா இருக்கு பயிரை போட்டமா அறுவடையை பார்த்தமா என்றில்லாமல் யு டிவி என்ற பார்ட்டனரை சேர்த்து லாபத்தை பாதியா குறைக்க நட்சத்திர தம்பதி கணக்கு தெ‌ரியாதவர்களா என்ன. இதோ அறிவித்துவிட்டார்கள் புதுப்படத்தை. தீயா வேலை செய்யணும் குமாரு (குஷ்பு சுந்தர் சி.யை பார்த்து சொல்வது போல இருக்கிறதில்லையா?).

இந்தப் படத்தில் நடிப்பவர்கள் சித்தார்த் - தெலுங்கு டப்பிங் உறுதி - ஹன்சிகா மோத்வானி மற்றும் சுந்தர் சி.யின் ஆஸ்தான காமெடியனாக மாறியிருக்கும் சந்தானம்.

கலகலப்பு மாதி‌ரியே சி‌ரித்து சி‌ரித்து வயித்து வலி வரட்டும் (சாபம் இல்லீங்க, வாழ்த்து).