சசிகுமாரின் சம்பளம் ரூ.4 கோடியாம்!

சசிகுமார் தனது சம்பளத்தை அதிரடியாக உயர்த்தியுள்ளார்.

'சுப்ரமணியபுரம்' திரைப்படத்தின் மூலம் தமிழ் திரையுலகிற்கு அறிமுகமானவர் சசிகுமார். தான் அறிமுகமான முதல் படமே இவருக்கு வெற்றிப் படமாக அமைந்தது. தொடர்ந்து இவர் நடித்த 'நாடோடிகள்' திரைப்படமும் நல்ல வரவேற்பை பெற்றது. அடுத்தடுத்து இரு வெற்றிப் படங்களை கொடுத்த சசிகுமார் ஒரு மாறுதலாக 'பசங்க' எனும் படத்தை தயாரித்தார். இப்படம் வெற்றி பெற்றதோடு மட்டுமல்லாமல் தேசிய விருதினையும் தட்டிச் சென்றது. இதைத்தொடர்ந்து இவரது நடிப்பில் 'போராளி', 'சுந்தரபாண்டியன்' ஆகிய இரண்டு படங்கள் வெளியாயின. இதில் 'சுந்தரபாண்டியன்' மிகப்பெரிய வெற்றியை சந்தித்தது. இந்த வெற்றியால் சசிகுமார் தனது சம்பளத்தை அதிரடியாக உயர்த்தியுள்ளார். புதிய படம் ஒன்றில் நடிக்க அவர் சம்பளமாக ரூ.4 கோடி வரை கேட்கிறாராம்.