சமையல்:எள்ளுருண்டை

கொழுத்தவனுக்கு கொள்ளை கொடு இளைத்தவனுக்கு எள்ளைக் கொடுனு பழமொழி ஒன்று உண்டு. குழந்தைகளுக்கும், முக்கியமாக பெண்களுக்கு மிகச் சிறந்த சத்துள்ள இனிப்பு வகைதான் இந்த எளிமையான எள்ளுருண்டை. வறுக்கும் வாடையிலேயே சாப்பிடத் தூண்டும் சுவை. ம்ம்ம்.... சுவைச்சுப் பாருங்க!

தேவையான பொருட்கள்:

வெள்ளை எள்ளு விதை - 200 கிராம்
வெல்லம் - 100 கிராம்

செய்முறை:

* வாணலியில் எள்ளை போட்டு அது வெடிப்பதற்கு ஆரம்பிக்கும் வரை வறுக்கவும்.

* வேறொரு பாத்திரத்தில் வெல்லப்பாகு செய்யவும்.

* பாகானது போதுமான அளவிற்கு வரும்வரை சூடு செய்யவும்.

* கெட்டியான அளவிற்கு ஒரு துளி பாகை நீரில் போட்டால் உடனே கெட்டியாக வரவேண்டும்.

* இந்த நிலைக்கு வந்தவுடன் அடுப்பிலிருந்து இறக்கி இதனை எள்ளுடன் சேர்க்கவும்.

* கையால் தாங்குமளவிற்கு சூடு ஆறிய பிறகு கையில் அரிசி மாவையோ (அ) நெய்யையோ தடவவும். கைகளைப் பயன்படுத்தி எள்ளை சீரான சிறு உருண்டைகளாக செய்யவும்.

குறிப்பு:

எள்ளுருண்டைகள் கெட்டியாக உருவாவதற்கு பாகை 2- கம்பி சீரான பதத்திற்கு தயாரிக்கவும்.