கும்கி' நாயகியோடு சசிக்குமார்!

'ஈசன்' தோல்வி என்றாலும் அதைக்குறித்து கவலைப்படாத சசிக்குமார், நண்பன் சமுத்திரக்கனி இயக்கத்தில் 'போராளி' படத்தில் நடித்து முடிச்சார். அது அசத்தலான ஆரவாரம் இல்லாத வெற்றி. அப்புறம் மலையாளத்தில் 'ரிப்போர்ட்டர்' என்று ஒரு படம். அதுலயும் நடித்து முடித்துவிட்டார் நம்ம சசிக்குமார். இதன்பிறகு சசி மீண்டும் இயக்கமா இல்லை நடிப்பா என்று மொத்த கோடம்பாக்கமும் எதிர்பார்த்துக் கொண்டிருக்க இப்போதைக்கு நடிப்புதான் சேஃப்டி என்று தனது உதவியாளர் பிரபு என்பவர் இயக்கத்தில் ஹீரோவாக நடிப்பதோடு அந்தப் படத்தை அவரே தயாரிக்கவும் போகிறார். இந்தப்படத்துக்கு இன்னும் தலைப்பு தேர்வு செய்யப்படவில்லை என்றாலும் கதாநாயகியை அதிரடியாக தேர்வு செய்து விட்டார்கள். இந்தபடத்தில் சசிக்குமாருக்கு ஜோடியாக நடிக்கவிருப்பது 'கும்கி' ஹீரோயின் லட்சுமி மேனன்! 'கும்கி' ரிலீஸ் ஆகாமல் எந்தப்படமும் பண்ணக்கூடாது என்று ஒப்பந்தம் போட்டு வைத்திருந்தாராம் அந்தப் படத்தின் இயக்குநர் பிரபு சாலமன்! நண்பர் சசி கேட்டுக் கொண்டதையடுத்து அந்த கண்டிஷனை தளர்த்தியிருக்கிறார் இந்த மாதம் 22-ம் தேதி முதல் படபிடிப்பு தொடங்க இருக்கிறது. தேனியில் மொத்த படத்தையும் எடுக்க இருக்கிறார்களாம். படத்துக்கு இசை ஜீ.வி.பிரகாஷ். போராளிக்கு மலபார் மீன் ரொம்ப பிடிக்குமோ..?!